العاب - كوت، بلوت





الصفحة الرئيسية | إبدأ اللعب | الأسئلة المتكررة | الأرقام القياسية | نبذة عن الموقع | اتصل بنا
أكتوبر 21, 2018, 04:40:19 am *
أهلا, زائر. الرجاء الدخول أو التسجيل

تسجيل الدخول باسم المستخدم، كلمة المرور و مدة الجلسة
بداية تعليمات دخول تسجيل
صفحات: [1] 2 3 4 5 6 ... 130   للأسفل
طباعة
الكاتب موضوع: - - _ _ - - ديــــوان كـــوت بوستـه - - _ _ - -  (شوهد 173297 مرات)
0 أعضاء و 1 ضيف يشاهدون هذا الموضوع.
TaBaScOo
مساهم مخضرم
*****
غير متصل غير متصل

رسائل: 3334



« في: مارس 03, 2008, 08:27:03 am »


- _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - 


-- الـــــــسلام عليـــــكم --





حياكم الله في ديوانية كوت بو6

الموضوع كله السوالف اللي اتواجهنا يومياً سواء بالدوام ، بالجامعة ، بالمعهد ، بالشارع ، أو بخاطره يسافر ومايدري وين يروح  و مو عارف يقضي الويك إند وين .
أي شخص عنده مشكلة وبخاطرة يسولف فيها وبدورنا اناقشها لما يوصل الشخص إلي نتيجة اتفيده .


- _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - - _ _ - 
 

** أرجو من الأعضاء عدم الخروج عن نطاق الموضوع أو المشكله المطروحه .

يــرحب ديــوان  موقع كوت بو 6 بــكل عضــو جـــديد بالــمنــتدي

ديوان كـــوت بوستـه
 


TaBaScOo
« آخر تحرير: فبراير 01, 2009, 12:01:11 am بواسطة TaBaScOo » سجل
YeLLoW
مساهم مخضرم
*****
غير متصل غير متصل

رسائل: 3840


السكوت أوسع لا ضاق الحكي وش يفيد البوح والواقع أصم


« رد #1 في: مارس 03, 2008, 09:26:34 am »

السلام عليكم


والله عندي مشكله كل يوم أعاني منها

المشكله بسايت كوت بو6  اي بهذا السايت (مدمنة هند)

بسبب هذا السايت بطلت أطلع من البيت كل يوم أحاول أقضي شغلي اللي بالبيت وأدرس اعيالي ويبتدي مشواري مع السايت

الأشخاص اللي حوالي ملوا مني

أولهم زوجي كل ماطلب مني شي أقوله انطر قاعده ألعب بطوله

واذا أحد زارني بالبيت يكون ملزوم ان يقعد يمي وأنا العب

الناس اتسولف من حوالي وأنا مومعاهم كلش وطبعا اللي يتصل فيني وأنا ألعب يكره حياته ماتطلع مني غير كلمة اي (امتنحه على الاخر)

بالأخير زوجي قرر يوديني دكتور نفسي لأن يتهمني اني مدمنة كمبيوتر

بس أحمد ربي وأشكره اني مومقصره بحق اعيالي وبأي شي

بس زوجي كاسر خاطري

كره السايت قبل كان يدش يلعب بطل يدش والسبب أنا

ساعدوووووووووووووووووووووووني

يعطيكم العافية
سجل


الأصدقاء الحقيقيون يصعب إيجادهم ، يصعب تركهم ويستحيل نسيانهم
showtime76
مشرف
*****
غير متصل غير متصل

رسائل: 1515


« رد #2 في: مارس 03, 2008, 11:54:57 am »

السلام عليكم

طبعا شهادتي فيك مجروحه يا تباسكو انته رهيب والله رهيب

وأحب ارد على اختي إن أنا مريت بهذي الحاله بس طلعت منها بسرعه

سويت حق نفسي جدول وكتبت فيه كل أعمالي اليوميه الي امر فيها

وصرت ادش على اللعب بس بطولتين بطولة الهند والتركس أو السبيته والتركس وأدخل هم بليل متأخر على المنتدى

طبعا انا الحين شابك بالنت على المنتدى لأني بالدوام وتوني مخلص اجتماعي قلت ادش المنتدى قبل لا اصلي الظهر

أهوه تنظيم الوقت راح يساعدج وايد

بس نصيحت اخوج لا تقصرين بحق ريلج وحاولي تسحبينه باللعب مره ثانيه علشان يستانس معاج

والسايت صار مهم بحياتنا والله ما ادري ليش انا مسجل من شهر 8/2007 وانا كل يوم ادخل

الله يعطيكم العافيه(( جني قاعد اسولف مع نفسي )) لوووووووووووووووووول

يالله سلام بروح اصلي

اخوكم شوتايم


سجل

TaBaScOo
مساهم مخضرم
*****
غير متصل غير متصل

رسائل: 3334



« رد #3 في: مارس 03, 2008, 12:49:58 pm »


YeLLoW 

أول شي لازم اتسوين جدول مثل ما قال أخوي شوتايم و اتخصصين أكثر وقت للعايله يعني مثلاً انتي مثل ماقلتي اتحبين تلعبين لعبه الهند شوفي أوقات بدايه البطوله يعني باليوم دشي مره مرتين و باجي الوقت للعايله لأنهم أولى بوقتج و البطولات لاحقه عليها  الذيب  Grin و حددي أيام للزوارة و ساعات اتخلصين فيها أشغالج و إذا زارج أحد في البيت إنتي بتكونين على علم مسبق أكيد بزيارته يفضل إنج ماتسجلين بطولات أتوقع الزيارة ماراح اتطول أكثر من ساعتين ثلاث .
أهم شي العيال و بوالعيال لا اتزعلينهم نصيحه من أخوج TaBaScOo .
سجل
hsh_hsh
مساهم مخضرم
*****
غير متصل غير متصل

رسائل: 909

The ReEDs LiVeRPo0L


« رد #4 في: مارس 03, 2008, 12:57:52 pm »

انا مع اخوي تباسكو وشوتايم لازم تسوين لج جدول تنضمين فيه وقتج ... وانا هم اعاني من مشاكل الموقع واخوي ميود علي مينون انترنت لول
سجل


الله يرحمك يا ناصر
انا لله وانا اليه راجعون والحمدلله على كل حال
England10
مساهم مخضرم
*****
غير متصل غير متصل

رسائل: 2083


« رد #5 في: مارس 03, 2008, 02:20:36 pm »

الله يعطيك العافيه اخوي تباسكو

ع الاستضافه الجميله Smileyوالله انا عندي مشكله

وأعتقد كل الموقع مبتلشين بالمشكله

والمشكله اهي انه معطيني هذا 5 تظلم

والله ياجماعه 5 تظلم

انا ماودي أسويلي موضوع للتظلم ..

وانا دزيت رساله ليوركي ..

وللحين مارد

يعني شنو اسوي مو بيدي الحل

شنسوي بعد

الحين فيه حل وحيد والي أهلو الصبر

والمثل يقول الصبر مفتاح الفرج

وجزاك الله خير اخوي تباسكو ثانيه

ع الموضوع الجميل
والي الامام
سجل

Smiley
_Q_Q_
مساهم مخضرم
*****
غير متصل غير متصل

رسائل: 1220


دامك كويـتي .. انهض وقول !!! مـن قدي ؟؟


« رد #6 في: مارس 03, 2008, 02:52:27 pm »

يعطيك العافيه عزيزيTaBaScOo وبصراحه دايم تمتعنا بابداعاتك وافكارك المفيده والسباقه
وهذا الموضوع حيل عبجني لان يعالج بعض المشاكل التي تواجه الاخوان في المنتدى
واتمنى من الجميع التعاون في حل المشاكل .. ونطبق مقوله .. ايد وحده ماتصفق .. ونضع ايدينا بدين بعض
اتمنى من اي شخص حاب يحل مشاكله السطحيه بغض النظر عن المشاكل العائليه وانشاء الله نقدر نتعاون مع بعض ونحل مشكلته او نساعده
وعسا الله يبعد عنكم المشاكل وشاكر للجميع وخصوصا TaBaScOo

.. اما في مشكلة الاخت YeLLoW
اعتقد ان الهند واللعب مو اهم من عيالج .. فكري بينج وبين نفسج شن بتستفدين اذا اهملتي عيالج وشغلج .. بتحصلين على نتيجه سلبيه ومعقده لاحل لها
الهند مجرد تسليه .. تعوذي من الابليس وخلصي اشغالج .. واهتمي باعيالج ومتى ماخلصتي هني عاد بيكون عندج وقت فراغ .. تقدرين تاخذين راحتج باللعب بدون لاتفكرين
ان عندج اشغال او او او او او .. وسلامتج
سجل

ZiSHT
لجنة الاشراف
*****
غير متصل غير متصل

رسائل: 2857


« رد #7 في: مارس 03, 2008, 04:24:23 pm »

فكره ولا احلى

من انسان مبدع وجهود انقول مشالله عليها

<<< يعدل لجريمبه  .. قهوى يامرسييييييييييييييييييييييي

قبل لا ادخل بالموضوع  يازتلي بدليه من اخوي وحبيبي كيو كيو :

وهذا الموضوع حيل عبجني لان يعالج بعض المشاكل التي تواجه الاخوان في المنتدى
ان شالله كل المواضيع تعبجك  Wink

نعم لمقوله ايد وحده ماتصفق وانا معاك بكل الي قلته حبيبي كيو ..وتشكر على هذا الدافع وشي موغريب عليك

وبالنسبة لمشكلة الاخت الغالية يلو : حلو الانسان لما يحس بالخطأ بس المشكله لكبيره انه يظل بالخطأ .. في امور بالدنيا لها اولياتها والجنجنفه والالعاب امور لاحقين عليها وتعتبر امور ثانويه .. بس الزم ماعلى الزوجه ريلها وعيالها .. وحاولي انتي تاخذين هالخطوه  باسرع وقت ان شالله وتهتمين بهذه الامور والكل راح يساعدج .. اول مانشوفج بسايت بنقولج طلعي بره  Wink

ومشكلتك اخوي انقلند صراحه مافهمتها  Huh?


الله يوفقج بحياتج دنيا وآخره اختي ..وصلتنا حبيبي تباسكو انه كلمه الشكر ماتوفي لجهودك واقولك الله يعطيك العافية وعساك على القوه

( ملاحظه : ضبط مرسي تباسكو ترى يصب قهوى بيده اليسار )

تحياتي
سجل

الله يرحمك برحمته ومن اهل الجنة باذنة تعالي
7ref
لن ننساك
TaBaScOo
مساهم مخضرم
*****
غير متصل غير متصل

رسائل: 3334



« رد #8 في: مارس 03, 2008, 04:26:05 pm »

الله يعطيك العافيه اخوي تباسكو

ع الاستضافه الجميله Smileyوالله انا عندي مشكله

وأعتقد كل الموقع مبتلشين بالمشكله

والمشكله اهي انه معطيني هذا 5 تظلم

والله ياجماعه 5 تظلم

انا ماودي أسويلي موضوع للتظلم ..

وانا دزيت رساله ليوركي ..

وللحين مارد

يعني شنو اسوي مو بيدي الحل

شنسوي بعد

الحين فيه حل وحيد والي أهلو الصبر

والمثل يقول الصبر مفتاح الفرج

وجزاك الله خير اخوي تباسكو ثانيه

ع الموضوع الجميل
والي الامام



مالك الا الصبر و انشالله بوفهد يرد عليك و تنحل مشكلتك و ديربالك خلك بعيد عن المشاكل أفضل .
سجل
TaBaScOo
مساهم مخضرم
*****
غير متصل غير متصل

رسائل: 3334



« رد #9 في: مارس 03, 2008, 04:36:59 pm »


ZiSHt -  _Q_Q_ - England10 - hsh_hsh - YeLLoW - showtime76


نورتوا الديوان و أتمنى إن الاخت يلوو استفادت من كلامنا

زيشتاوي القهوه العربيه موجوده كل يوم انشالله  Smiley
سجل
Athba
مساهم فعال
***
غير متصل غير متصل

رسائل: 186


« رد #10 في: مارس 03, 2008, 04:44:22 pm »

مساء الحب والتقدير للجميع

عندي مشكله او عيب ما اعرف شنو اسميه

مشكلتي او عيبي اني احب تكوين العلاقات وصداقات واحب اتعرف على ثقافات و تفكير الغير
صاقاتي تكون من جنسيات اوروبيه او عربيه اغلبهم خارج الكويت .... واتصادف معاهم من وقت لآخر

المشكله اللي متعبتني اني كتــــــــــــــــــــــــــــــــومه جدا جدا  لأسرار غيري او مواضيعهم المعنى " اذا احس احد بحاجتي بدون تردد موجوده "

اما ما يخصني لو موضوع عابر اسمعه يتناقل بين صديقاتي وبدون احترام لخصوصياتي

وايد من الناس فقدتهم والسبب اني اصارحهم بحدود العلاقه اللي تكون بينا حتى لو تكون اعز صديقاتي


ابي اعرف وين المشكله بطريقة تفكيري ان يكون لي خصوصيه والأستقلاليه ..

او ان الثقه المفرطه اللي اعتمدها باسس صداقتي ..

يمكن البيئه اللي حوالي تفرض ان اكون بتربيه ومجتمع غير عنهم

وااايد افكار تداخل بين بعضها واحس بالنهايه اني ضعيفه ودي اغير من طبعي بس ما احب الوحده
سجل

TaBaScOo
مساهم مخضرم
*****
غير متصل غير متصل

رسائل: 3334



« رد #11 في: مارس 03, 2008, 05:05:43 pm »


إختي الفاضله Athba تكوين العلاقات الاجتماعيه و الصداقات شيء جميل لكن تكوينها يتم على الاختيار . اختيار الصديق الجيد اللي يكون محل للثقه و كاتم للأسرار ، مو كل شي ينقال للصديق ، نادر ماتلاقين بهالزمن صديق وفي تسمعين منه النصيحه و يقدم لج المساعده ، ووايد ناس يعطون و في المقابل مايلقون التقدير ، أتمنى إنج قبل ماتتخذين أي صديقه لج تدرسين اخلاقها عدل و ماتتسرعين و حافظي على أسرارج و إذا عندج مشكله الوالده أفضل صديقه أو الاخت .
كوني واثقه من نفسج لأن عدم الثقه راح يسبب لج إرتباك و توتر ، و الكلام اللي تسمعينه من الغير اعتبريه شي عادي و تناسيه و اللي يكدرج ابتعدي عنه  ( الباب اللي يجي منه الريح سده و استريح ) و أتمنى إنج تقدرين تتخطين هالشي .
سجل
TaBaScOo
مساهم مخضرم
*****
غير متصل غير متصل

رسائل: 3334



« رد #12 في: مارس 03, 2008, 05:18:47 pm »


إختي الفاضله Athba قال الرسول عليه الصلاة و السلام : " إنما مثل الجليس الصالح والجليس السوء كحامل المسك ونافخ الكير، فحامل المسك إما أن يحذيك وإما أن تبتاع منه، وإما أن تجد منه ريحًا طيبًا، ونافخ الكير إما أن يحرق ثيابك، وإما أن تجد منه ريحًا خبيثة." متفق عليه.

ووعظ بعضهم ابنه فقال له: إياك وإخوان السوء، فإنهم يخونون من رافقهم، ويفسدون من صادقهم، وقربهم أعدى من الجرب،ورفضهم والبعد عنهم من استكمال الأدب والدين، والمرء يعرف بقرينه، والإخوان اثنان فمحافظ عليك عند البلاء، وصديق لك في الرخاء، فاحفظ صديق البلية، وتجنب صديق العافية فإنه أعدى الأعداء.

قال الشاعر:
عن المرء لا تسل وسل عن قرينه*** فكل قرين بالمقارن يقتدي
وقال الآخر:

إذا كنت في قوم فصاحب خيارهم***ولا تصحب الأردى فتردى مع الردي

**الأصدقاء ثلاثة **


يقول ابن القيم رحمه الله الأصدقاء ثلاثة: < أحدهم كالغذاء لا بد منه، والثاني كالدواء يحتاج إليه في وقت دون وقت، والثالث كالداء لا يحتاج إليه قط >
وقال أحد السلف < الأخ الصالح خير لك من نفسك، لأن النفس أمارة بالسوء والأخ الصالح لا يأمر إلا بخير >
ويقول الإمام الشافعي رحمه الله < لولا القيام بالأسحار وصحبة الأخيار ما اخترت البقاء في هذه الدار >

أتمنى إنج تستفيدين أخوج TaBaScOo .



سجل
_Q_Q_
مساهم مخضرم
*****
غير متصل غير متصل

رسائل: 1220


دامك كويـتي .. انهض وقول !!! مـن قدي ؟؟


« رد #13 في: مارس 03, 2008, 08:51:15 pm »

بسم الله الرحمن الرحيم
اختي العزيزه Athba
اولا شاكر لج على طرح الثقه بالاخوان
ثانيا .. الي قاعد اشوفه مو عيب بالعكس تكوين علاقات اجتماعيه وخارجيه وطبعا تكون علاقات بحدود وتناسب عاداتنا وتقاليدنا بالعكس هذا شي زين وأأيدج فيه
وانتي غلطتي غلط عود يوم قلتي كتومه جدا جدا لاسرار غيري .. هذا شي يجب ان يكون فيه كتمان وسكوت ولا ليش سمووه سر ؟؟ اتمنى انج تتمسكين بهالكتمان والاسرار قد ماتقدرين وماتحاولين تغيرين هالطبع فيج
ثالثا .. والي تفقدينهم سواء صديقاتج او او او او والسبب انح تصارحينهم .. اسمحي لي بهالكلمه اي ووحده تزعل من الصراحه قولي لها (زعل بوجعل وعساج مارضيتي) لان اذا قاعده تنافقين وتمثلين
 على رفيجاتج روح الصداقه والاخلاص والحب والاخوه هني لاتصارحينهم وبالاخير بتحصل مشكله ضدج وترد عكسيه عليج لانج ماصارحتيهم من الاول بأي مشكله او سبب كان.
وبالعكس كل الي قاعد اشوفه والي ضاهر لي انج اجيابيه واجتماعيه وصريحه وهذا شي يتمناه او تتمناه كل وحده وواحد .. وصدقيني موقاعد اشوف بكلامج اي شي سلبي اعلق عليه او يمكن الشي السلبي
الوحيد الي اقدر اعلق عليه وانتقدج اني اشوفج بكل شي متردده وخايفه بس حطي هالكلام براسج( خلي عندج ثقه كبيييره بنفسج ولاتهزج العاطفه او الصراحه لو مع منو كان ) وانشاء الله امورج تتحسن
سجل

TaBaScOo
مساهم مخضرم
*****
غير متصل غير متصل

رسائل: 3334



« رد #14 في: مارس 03, 2008, 09:03:48 pm »




يتقدم ديوان كوت بوستــــه بأحر التهاني لجميع مشجعي نادي الكويت الرياضي بفوزه 1-0 على نضيره القادسيه و حصوله على كأس سمو ولي العهد حفظه الله و رعاه .
سجل
صفحات: [1] 2 3 4 5 6 ... 130   للأعلى
طباعة
انتقل إلى:  

Powered by SMF 1.1.2 | SMF © 2006, Simple Machines LLC